ارکان و دعای  یارستان

فاتحه یاری

ای دیره داران   دیرت  کره نو

دوس  دیره داران  دیرت کره نو

تنگ بورت  بکیش  یک لو  و  دو لو

اولم  دیره  دار  سر کیشو  او  رو

ای دیره  داران  دیرت کر عرض

تنگ  بورت  بکیش  مترسو  ملرز

اولم  دیره دار  سرکیشو  سر مرز

ای دیره داران  دیرت  نگاهدار

وسن  وس  کره  ای  خاو  مردار

ویت  وریا  کره  یورتتن  هوشیار

وریزه  چه نو  شای  شاهو سوار

 

دعای صبر  یارستان

یا شا پی باقی  صبریمان کردن

چی راگه  فانی  جبریمان   وردن

چه عشق  تون  دوستان  نه مردن

یا شاه  ای  صبره  او  گلین  و جخت

رها  کر  میردان  پی  دیوان  نخت 

کرم  کر خلات  تافته  نورین  رفت

 

دعای سفره

سفره  نور  صایو   سفره  در حضویر

و عشق  شای  شاره  زویر

له قضا و بلا  دویر

و اشاره  شاه  شرط بنیامین

ورهبری  داود  و قلم  زرین  پیرموسی

و خذمت  پاک  خاتون   رزبار

و  شاهدی  یار زرده بام  و ملک روچیار

حق اول و آخر یار

 

دعای  تیغ

آ  کیو دری 

بارگه شام وستن  آ کیو درٌی

ها پیر بنیامین  شریکو  سٌری

قاف تا قاف   جهان بنیامین  چری

بنیامین کالای   هفتوان  خرٌی

کله زرده شان آورد  چنی  کی بٌری

نیازشان  نیا  آ  جمو  کرٌی

پادشام   امرش  کرد   احمدشان  چری 

دعای  تیقشان  دا  آی  یرش  بری

 

دعای  سکه دلیلی

یا شاه  قبول کر سکه دلیلی

به عشق  بنیامین  پیر  سریری

به عشق یار داود  نه دریای  نیلی

به عشق  هفتوان  مصطفا و  میری

به عشق آ کسه  نه کوی مندیلی

شاه سلطان  صحاک  کردش  قویلی

و اشاره  شاه  و شرط  پیر بنیامین

ورهبری  داود

 

دعای نامگذاری

چی خاندانان

پیدا بی لامی  چی خاندانان

اینا  قدمت  نیا  نی دامان

زیای  نه  عناصر  چوار  بحرو  خامان

پخته و پلیار  بای  چی  شیر خامان 

او  کردار پاک  جمو  یگانان

او سر سپرده  چوار  شرط وانان

او پیوند  قول  اقرار  جانان

او دامان  گرده  دلیل  دانان

او سجده پیری چی ورو  خوانان

تا  دانو  شرطی  او ذیلت  شانان

مبارکت  بو  کوی  یارستانان

وزنت  تمام بو  نتای   میزانان

بشمارات نه صف  حقیقت  سانان

نوشد بو  لقمه  مویچه  جمخانان

فردا نه باقی   بدرات  سامان

سامانو   دینت  شرط  یاور بو

اقرار  قولت  پیر  داور بو

پی دامو دسگای یاریت  باور  بو

ای شادی جمت  نه گرد  هاور  بو

خورت آما  او  گروه  یاری

او دامان  پاک بونیت   گذاری

آدا و  آبات  ژیت نو بیزاری

پیرو  د لیلت  نوا  زنهاری

پرهیز گاریت بو  نه  خطا کاری 

پاکیو نیستیت  بو  رای  ردا باری

همسایت راضی بو نه  کرداری

دوستان  بواچان  نیکیت  بسیاری

خاسیت  بوانان گردین  نامور

نختت و راسی  ثبت  بو نه  دفتر

و شرط  بنیامین  وردای  داود

چی راگو  دو  هفت  یاریت  نو  نابود

وخذمت پاک کرده  پیر رزبار

وعشق  سلطان ها بونیت  کردار

 

دعای نکاح

نی جم  و حق شر

رای جفتو جامی نی جمو حق شر

حقو  حقیقت  نه  گردین  پاکتر 

اینا  وانامان دعای  ای مظهر

 دعای حالی  جفت ماده و نر

پی عشوه  فانی  چی دامو  بشر

مجیونی  دو جام  کافورو تشر

نی جام دنیا  مزییم  او سفر

جامو فانینن رنگینو  رنگدر

رنگدار  رنگباز پوسه  شن  منر 

ها اردوش  کرو  چی  پیله گذر 

تا که چی فانی زعیفو  زمور 

تاو خونو گوشت  نویرش بو  ثمر

تا که  میردانش ویل نوان  چی سر

تا کس  نویش  نبو  با خور

تا  و سر  بیو بلان  چی  حذر

میردان  مویژان  چی قضا و قدر

موشیم  پی  توی  قیصریو  قیصر

هم  چی  راو  قاپی بزاویم  او بر

تا نطفه  پاکی ثبت  بو نه  دفتر

دفتر و باقی چی فانی مورام

باریکتر  چه مو رنگین  تر نی جام

نی مزو  عسل  شیرین  تر چی تام

یعنی اینه  ماچی دل خمار و خام

مو واره  بردیش  تا او سر دوام

تا نطفو یاری  ژیتان  بو  پیقام

پی خطا و فسقی  بوینتان  سقام

نه حلال  زیا یتر مکردی  حرام 

ور نه حلالی جفتان  مبو  ژام

ژیتان مکنوه  نطفه  ناوه  کام

هامسریتان  مبو  باطل  وبد نام

بر مشدی نه ثبت و امر خواجام

 آشتان  نه ظاهر  ها  مبو  بی  تام

هم نبا لینش  نا نتان  مو  بی هام

یانو  نمکتان  حرام مو  و عام

پاریز بکردی روح نه تیرو  زام

و فسقو  فاسق  مکردی  قیام

قیام  او هامسر ویتان  بکردی

نه خوان ویتان حلال بوردی

هرکه  نه خوان  ویش  گیرو  نردی

پی  خوان  مردم  دستش نوردی

دردش  مدرو  خوان  همسایه

هم  نعمتو  خوان  ویش  مبو و ضایه

هرکه  دزدیش  کرد  چی  خوانو  کایه

هم پی آدیش  دزد  مبو  چی پایه

کاکه مکردی  دزدی  خوانی هم 

بستو حلالی  هامسرتان  پی جم

اینا کریش  ورد  دوی  مو چی دم

پ پشتو پرده   هامسر یو  هامدم

ورضا و پیری دلیل  نور شم 

و قول  دوی  وکیل  ور  هم

وکیل  زاماو  زعیفی  چی  رم

رمو میردانی چی  پشتو  پایی

او اذان  آبا  رضا و  آدایی

چی هر دو طرف ویناه رضایی

او شاهدی جم امر خواجایی

مبارک  بونی   ای زماو  زایی

زائیو زماون  چی فانی  رایی

خلات  پیرو دلیل  دلخواهی

واجبا  پیشان  چی جمو  شاهی

زایشان درو چنی زامائی

تا  پیر بدرو  دستور چی  نائی

دلیل بگیرو  دستو  دیایی

زمای  برانو  پی  پردو  مایی

مای  چی  ماوه  بزیو  و  زاماه

مبارکشان  بو  پرده  چنی  راه

بی همتو  جم  عازیز  یکتا ه

ژیشان  بکنوه  نطفه یاری  زاه

نطفو حلالی  و شرطو  گواه 

لامیو ای  دوی  چو سر بو  رواه

اینا وانیا  پی  نیازو  دعاه

دعای هامسری  نه پشت  پردگاه 

وامر قاضی  و حکم  پادشاه

و اذنو  جمی  و قلمو یاه

قاضیمان  بنیام  پی  شرعو  دکا

ورهبری  راس  داود  ریاه

و خذمت قول  رمزیون ماه

و اذن  پنج تن  دو هفت  دلخواه

ورشتو  چلتن  هفتاو  دو   نواه

او نود و نوه  شصتوشش  بنا

وشاهدی  گرد  ای جمه  چیگاه

ای دو هامسره او یک  وینا ه

بی خطاو و قصور  نوانی  جیا

چی فانی  بارو یکترین   کیشاه

اولوی  حیا و شرم  ویشان  به  پیچا

به پیچاه نور  پرده  سیانت

او یکتر  نوان  هرگز خیانت

یاری مواچی  رای  امانت

بمانو  دین  شان  چی  رو دیانت

تک فردا چه یک بوان ممانت

ممانت  کراه  چی  سرو ویشان

خطا و  خیانت نو نه  دلی شان

نک بطال بونی  هامسری جیشان

حرام  مو نیاز  حلالی  ریشان 

مبو نترازیو کری  بند  مویشان

طلاقشان  مکنو  چی  سرو  پیشان 

بیگانه   نگلیو  نراگو  خویشان

نختو حلالی  کال  مو چی  نیشان

چی نیشان  وانایم  ای  دعای  مری

دعای  هامسرین  زعیفو  شرعی

اینه آ دعای  سراندیل  سری

حواو  آدممان  جفت  بی  چا  دری

ای  دعامان  عقد  بریشان  پری

نکاحو  چین  بی  ماچین  چا  سری

ایکا یش  هم  وانیا  چی  پردیوری

پی عقد  یاران  تا  و  محشری

پی دعا  حلال  بیردی  هامسری

او  رشتو  نیاز  بومان  لنگری

بزم  اول  یار  بزم آخر یار 

دیده  دار  دور  حکم خاوندکار

 

غسل  میت

واشارت  شاه  و پیرو پادشاه

پی جام جنت  پاکیا  پاکبا

پی  پوستو صفات  زندگیشا  آراه

ای  آومان  مجیو سٌر  صفاتی

پی قاپی  روحش  باقیش  حیاتی

چه هزار  و یک دون  بوینش نجاتی

آسودگیش  بو  چی  راو  مماتی

رای  دیره داریش  بوینش  قنیاتی

قلمو روحش بزیو پی ذاتی

کردش  چه  دفتر بونی اثباتی

چه کردو پیشکش  شاد بو  نشانی

نشاتو  یاریش  بو چه  خضوری

خواجام بدروش خلاتو  نوری

نورش بو خلات پی امر عازیز

پی جام رزبار پاکو  دل تمیز

غسلو  صفا تمان  دا پی جامو  مریز

پی آو  فانی باقیش بو  لذیز

 

غسل پاکی

و عشق میردان  خرقه نور  چور

آوم تشارن قولم  پردیور 

و اقرار  شاه  و شرط  بنیامین

ونخت و نفس  موسی  قلم زر

و ردای  داود  دلیل  رهبر

وطاس  رزبار  خاتون محشر

پاک و طاهر  بوم چه  پا  تا و سر

 

فاتحه یاری

راه  روح  روان  بقای جاودان

و حضوری  حق  یاری  جنتان

رسم اوٌل یار  رسم آخر یار

بنیام  موازو  شفای  گردین  یار

پادشام موخشو گنای  گناه کار

 

 

 

 

دوره گليم كول

سلطان مرمو :

پيره بارگه چي

بارگات  بكيشه  بر او  شنروي

 

رمزبار مرمو:

وشنرو يوه

عا جويم   دين و شنرويوه

شنروي  سامش  ايسا  و سيوه

ذات  ويش  ناسا  و چل  حوريوه

 

داود مرمو:

برزن نه برزه

شنروي  برزا   برزن   نه  برزه

چنش  مويره  تيرش  بورزه

حكم  خواجامن   اي سره لرزه

 

يارآحمد مرمو :

او كوي شنروي

بارگه شام وستن او كوي شنروي

وستن او  جمه  گوراني  دوي

ني پا واروه  آوش  مجوي

 

سلطان مرمو:

بياني او بان

گردين غلامان بياني او بان

چني  ياراندا  بگيراني  سان

جه كوي  شنروي  تختم گردن لان

شنروي  يرزه  مجيو  نه  گرّيان

 

عابدين مرمو :

بوري و يانه

وستن  او كشان  ذات يك دانه

 

احمد مرمو:

مجيو نه هاوار

شنروي برزا  مجيو  نه  هاوار 

وستنشان   و كوه  ذات  خاوندكار

 

سلطان مرمو:

بيو بلو سر

غلامم  مبو  بيو  بلو  سر

شنروي  لرزا  بگيرو  لنگر

لطفم ياريشا  اي سرو  او  سر

 

يارآحمد مرمو:

از  زرده بامي

يار  آحمد نان  از  زرده  بامي

از  ذاتم  پختن   نيه  نش  خامي

ار  امر  مولام  بو  صايو  جهاني

شيان  او  ضامن  شنروي   نامي

 

رمز بار مرمو :

كوي عظيما

شنروي  برزا  كوي  عظيما

يويش  چه  زرا  يويش  چه  سيما 

ديوان غلامان  پير بنيامينا

 

شنروي مرمو:

خواجاي سيمو  زر

شاي  هيجده  هزار   خواجاي سيمو زر

گليمه  كولمان  آنه  مشاخو

شوله آفتاون  جه سر  مسانو

رزباما   سيمو  زري   موافو

كلام   معناي  سّر  شوني  مشكافو

 

سلطان مرمو :

سّرت  بواچه 

شنروي معناو  سّرت  بواچه

سّرو  عاجويت  چيگاه  بساچه 

تا كه  بشنومي  تاله  كمانچه

بيان كر  رنگت   چي  سر  تيانچه

تا پخته  بوانان   حميرو  خوانچه

تا  كه معلوم  بو  سرو پا   پنجه

 

شنروي مرمو:

عازيز  چه ويتا 

عاجويو  رنگمان  عازيز   جه ويتا

سّرمان  جه  سّر  ازلي  جيتا

اينا  بيانو  صورتمان   پيتا 

جلاي  تو  برمان  جي  رنگو  رويتا

هر چلمان   يك يك  تيني  و  جيتا

راگم  چه  سّر  باطني  ريتا

 

ديوانو  هفت پور

عازيز  بگيره  ديوانو هفت پور

هفت پور  هفته وان  بدوشان دستور

تا كه بوانان  گواهيو  مستور

پي رجا  خواهي  يار  پاك  حضور 

بوانان  رجا  صلاو  بي  قصور

پي گلمه كول  پير  بي  ختور

بلام   بر شاني  چا  رنگو   فتور

 

سلطان مرمو:

هفتوان شادي 

اذنو دستورا   هفتوان  شادي

فرزنان  اصل چه  ازلين  جاي

بكردي  ديوان  آ شرطو  گواهبي

پي گليمه كول  بواندي   رجاي

يارانو  كشتيم  بزيو  پي  ماي

ها رجا  وشن  و گردين  داوي

اي هفت  آ هفتم  ها  چه  يك  راي

معلومتان  بيا چه  سرو  چه  پاي

چه دلي  سّرم نين تان  جياي

 

سيد محمد مرمو :

شرطو بنياممان  پنه  بتوينا

بي شرطو  آ دي  ياريت  چتونيا

پي  يانه ياران بنيام  ستوينا

چا كشتيو  گيژي

شكرش  او  توا  چا كشتيو  گيژي

پالاوا  كفرش  ايمانش  ويژي 

چه كان  ويتا  چا  سراو  ريژي

او بنيام ديمان

راگه  شرطو  شون  او بنيام ديمان

ها بنيام هنا  داروي حكيمان

پير شرطمانا  چا  ازل  جيمان

بي ارامني

عازيز  بي  بنيام  بي  ارامني

بي  شرطو  آدي  جه  خارا  منمي

ميره باش تجار 

يورتو حسنا  ميره باش تجار

ژار نوش  مد ينن   جه دس  كفار

پي دين  چه  دنياو  دونت  هن  بيزار

چه مصر  شيا  پي   صدق  او كوي   نار

پا  صدقش  نارو  نمرود   بي  گلزار

ايسا  چا  كشتي  هنن  چه  آزار 

پي  گليمه  كول  موانو  وشيار 

چني  هزاره  و  نا خدا ش   اقرار 

ها ششو  پنجي

عازبز  مبومان  ها  ششو پنجي 

پي  هفتنانت  زيايمي   پي  گنجي

بلام  چا كشتي  موينان  رنجي

اي  هفت  پا  آ  هفت   بوخشان  سخجي

زمينو  سمات  پي  چارده  خنجي

وي جمو جامي

عازيز  پير شرط وي جمو  جامي

باوره  ديدش پي  دمو  كامي 

تا چه  هزاره   بزيو   پيقامي

شوني  پي  انار  يادگار   شانامي

چا  مرنو  دا بو  بزمو ايامي

يارت  چه دفتر  وانو  كلامي

خلات  پي كلام  دستو اندامي

 

سيد ابولوفا مرمو:

عازيز  بنيامين

عازيز منظورمان هن  او بنيامين

پير شرطمتما نا  چه  ازل  آمين

چه  او نوشامان  پيالو  كامين

سر چشمه   عشقا  پي يار  فامين 

ها بنيام  بيا  سكو  نور  جامين

ديده مان  كورا

بي  شولو  بنيام  ديده  مان  كورا

بنيامت  فانوس  شمدانو  نورا

 فانوس  ذاتنا  جلوو  بلورا

ها بنيامينن  نقشو  سر مورا 

واير قدرت  تختو ديجورا

ها پيرو  يارت  گليمه كولا

حسينه  بنيام  سيا كوش  دولا

جوزت بي  سكه  هانا  قبولا

سكت بنياما بنيام  رسولا

سرو جبرئيل صلاو  ماسولا

ماسولت پي  چي  سويرو  سر مولا

نويسنده و كمي

ها پير موسيا  نويسنده و كمي

تعليم چي  كشتي  صدريشا  نامي

بلي زاريشا چا دريا و تومي

آيش  ماتما چاواي  ويشومي

پنش زحمتا  عجايب  يومي

چني رمز باري  هان  چه  يك  بومي

پي هفت  تنا

عازيز  شاديمان  پي  هفت تننا

اي  هفت  پا آ هفت  جه يك بتنا

هفت  ذاتو  صفات  جه يك شطنا

 

سيد شابدين مرمو :

او بنيامه ون

عازيز  جلو سمان او بنيامه ون 

بنياممان   چاكوي  سر انجامه  ون

شرطمان  پي آد و  پيغامه  ون

وستنو  باري

ها گليمه كولت  وستنو باري

خمينا چا توي  كشتيو  سّر كاري

گيژت دان  چا گيژ  دجلو  عياري

عازيز  باورش چا گوشو  تاري

بي بنيام طاقت نينمان  جاري

چا كشتيو  دريا

ها مصطفا مان  چا كشتيو دريا

كويره  چي  و چرخي  چا نارو  سريا

نا انجل چادر  و بنياما  ريا

چني  باش  تاجر گرش  ها گيرا 

كشتيشان وي دانگ  چا آو  دا  داخريا

عازيز  رحمت  بو موتشان  دريا

 صلاشان  او هفت  جه  پرديور  نريا

داود پي امداد  ازلين  چريا

پي هفتن  نون

عازيز  شرطمان  پي هفتن نون

چوارده  كوت  چاكوي  سرين  بنون

هفت ذا تو  صفات  چه  يك  تن  تنون

رند ت  ها چني  ياري  رندون

جنت  ها  چني قدرت  چنون

خنت  ها  چني  صوبت  خنون

ذاتت  پي  سيران  داواو  دنون

 

سيد مير آحمد مرمو :

عازيز بيانا

عازيز  گرد سّري  چنت بيانا

آگاهي و بينايي  چه دو  جهانا

بنياممان  چا گير  بندو  كمانا

چا گيجوباري 

يارمان  گيرا  چا گيجو باري

چا قپو  مريم  اسكندر  واري

ميره باش  تاجر هان  چه آزاري

پاگريو زاري

حسين منالو پا گريو زاره

گيرا  چه دس مخلوق خاره

زامش چه ويتا  بكره  چاره

او شفاو  جمي بوني  تيماره

مخلوق و زشتي 

ميرمان  ها جه گير  مخلوقو  زشتي

آل  ملتاني  نصرانيو  چشتي

مكيشو طانه  ظاهر و  زشتي

بلام  ناخداش هر هان  جه  پشتي

ها كشتيو  سّري 

ماهيو  حجر ها  كشتيو سري

دجلو  قدرتا ها قاپو   درّي

جه ت.شا منجر  جني  مينگري

گومو   خضرانا

عازيز  كشتيمان  گومو  خضرنا

درجو  آسمان  طاقو  كسرنا

بازي  چه كشتي  چه پاك  برزنا

خزرا جه  رمزا

گومو  خضرامان  جه  جامو  رمزا

 دريامان  چه سرّ تشاري  حوضا

كوره و كشتيمان  آيري  روضا

دستو  مصطفا جه ويش  نمزا

چا كشتي بنا

 گردین غلامان  چا کشتی بنا

بلام  بی خور  نینی  بینا

پوسه مزانان هانی  جه فنا

عازیز  بنیاما

حسین سیا کومان  شرطش  بنیاما

گرتنش  او کول گلیمو  کاما

گلیمش  بافتو  ازلین ناما

یار گلیم و کول

بنیامانا  یار  گلیم  و کول

پیرو شرطمانه  جه گردین  اصول

عازیز  بی بنیام  دین  نیا  قبول

نیا پی بنیام

عازیز طا قتمان نیا  پی بنیام

بنیام  و شرطمان  مدرو  سقام

÷ی سکو آدی  پوختمان کرد خام

روشنی رامان  بنیاما  چی  دام

عازیز واز کره

عازیز ها  قاپیو  رحمت واز کره

÷ی  ناز  روایان  شرطو ناز  دره

پیر  شرطمانا  چی  جم  یاوره

 

سید مصطفا مرمو :

عازیز  درسا

شرطو بنیاممان  ÷نه  درسا

یارانت دیدو  بنیام  پرسا

شرطو  بنیاممان مایو گرسا

ها پیرو  شرطمان  چا کوی  ا لسا

پی بی بنیامین 

کوره مان  سردا پی بی  بنیامین

یاران  پی   شرطو  آدی  رواش  بین

پری  زمداران  بنیام   شفا ش  بین

خواجام  باورش دیدش پی جمین

تا  جممان پی جا بنیام  بو رنگین

عازیز  هزاره

بزاون  وی جم یارمان  هزاره

نا خدای کشتی  حسین  یاره

هزاره شهید  کربلاش  خاره

حسینو مدین  حسنش  باره

مزاوو  پی سر دانو  اناره

انار  یادگار  یار  یادگاره

یارو  هفتنان

عازیز مبومان  یاور  هفتنان

ها  گیرا و  سر  جامو  شش  تنان

عازیز بگیرا کشتی  او پنان

پنه شان  زحمت  نبو چه پنهان

جه گشت کمترین بندت ازه نان

 

سید حبیب شاه مرمو :

عازیز  بنیاما

خواجای شرطمان  جه گردین  داما

هام قولمان داود موسی پرکاما

سکو  باشلقمان  او بنیام  داما

هر  او  صلا در  گرد سانو  ساما

پی دریا  وستن

بارگو  بنیاممان  پی  دریا  وستن

گلیمه کولش  جه دریا  رستن

ها بنیام  شرط چا کوی غم  مستن

شش درت  پی رنگ  تو چنش  بستن

عزمت  زمافته  خاص  چنی  گستن

خواجام  رحمت  بو ساهنی  وستن

یاران چمرای روی  باقیت  هستن

آراممان  نیا

عازیز  بی بنیام  آراممان نیا

و آدمان شادیو  بهشتی  بیا

نازو ناخوینمان  مکره جیا

دو هفتتت  و یک  تانو پو ونیا

صفاتو  نیکت  هن چوارده  تینا

ای تانو  پودا چه ذاتت  تنیا

چه بد صفاتان  ذاتو  بد سنیا

پی نیک  صفاتان  ذاتو  نیک زنیا

ها چه کشتیدا 

یورتو رمزبارن  ها چه  کشتیدا

صرافا چنی خلکو  زشتیدا

علمدارو  چرخ  چادر پشتیدا

نامیشا  عونگ چا کوی نشتیدا

زاریو  عونگا

دو لوحت پر نه  زاریو  عونگا

چنی  انجلش شینو  شوه کا

پیز حسینت  گیرو محکا

میره باش تاجر هان  سر بنکا

دیدو  شش  دری

عازیز  مبومان  دیدو شش دری

شش درت  شش تن یاری بندری

بنیامین  مانا  عازیز سردری

امیدمان  هنا ویکاش باوری

بر شو چا کشتی عجو مضری

بیونی او جم  بدو گوهری

بلام چا  رنگت  نوینا ضرری

جه یاریت منیان کلو  گذری

یار ردا  بارا  جه گرد مظهری  

 

سید باویسی مرمو:

شرطمان تسلیما

عازیز  و بنیام  شرطمان  تسلیما

بنیاما  سلمان  یورتو  مسیحما

شفا  واز دین  یاری  اقلیما

جبرئیل  امین  اوستای  کلیما

ایکا  چه کشتی  دریاش الیما

چا گیزو باری  یاریش  حلیما

گلیموکولش  سمای ولیما

فرشو آسمانی  بافتو دلیما

ذیلمان ظلماتا

صایو  خاندان  رنگین  صفاتا

دانه  صندوقت  قدرتی  ذاتا

صفاتو  اول  اوت اثباتا

چارده  صفاتت  بافتو  نیک  جاتا

صفاتو  نیکان  ایما حیاتا 

وی  دو هفت  یار  حسنو  رضاتا

یارانت  بارکیش  جور  قضا تا

ها  چه گرداوی

عازیز  بنیامت  ها چه  گرداوی

چنی یارانت  گیرو   مناوی 

نیا خورشان  چی  رنگو  داوی

پنشان  زحمت میو  چا باوی

صفا تشان  بی  ذات  ها چه عذاوی

ذاتشان  چه سر ها چه  حساوی

سا  دی  رحمت  بو شای  رنگین  راوی

کویره  صفاتان  سردا  چا  هاوی

وی   آیرو  ذات  بده شان  تاوی

آ یارانه  گرد  باور  وی  ناوی

دل  بیزارنمی

عازیز بی  بنیام  دل  بیزارنمی

او دیده و  دینش  انتظار نمی

شرطمان  پا  آد ایمان  بارنمی

چمرای دستور خاوندکار نمی

محتاج  امداد  داود  یارنمی

او داود ون

امدادی یاران  او  داود  ون

داود  هانا رس  نه  جاو  دون  ون

دستش چنی  دس  حق آلود  ون 

رهبری  اردوی  و تا سود  ون

داود  مان  سود  بر سود آسودن

قاصدو  سود بر

عازیز داودا  قاصدو  سودبر

سود  دو  شاهیش  ها پنه   بدر

امرت  بو جاری پنش  چی  منر

بلو  پی امداد یارانو یاور

پی یار حسینه بشانو هنر

کشتیشان چا گیج  بزاونه  او در

تا که دو شاهیش  بکنو  او میزر

با شلقو  ازل  سکو  جام  گوهر

 

سلطان مرمو :

عیسی باوه  ما

داود  باب  عیسی  عیسی باوه ما

چیکا  آخر مور  فرزن  لاوه ما

رجاچی بنیام  چیور  چاوه ما

چیور  چاوه ما  فرزنان  اصلی

ریشو جرگمن   اصلو بن  فصلی

جرگم  ها سرا  جه  توی  سر نصلی 

دو  هفتم  چه بن  ها چه  یک وصلی

نی  چوارده  حوضه  یار مدو  غسلی

 

سلطان مرمو :

وصلو  پیوه  نا

نویرم  هفتوان  ذات  هفت  نویری 

داود  قویل  بیا  رجاو  هفت  نویری

 دس بر  پاا  دلی پردو  سر   تیری

 بر کره  یاران  چا  گیجاو  گیری 

گلیمه کولم  هان  جه  زنجیری

گلیمش  خلات  چنی باش  میری

پی یک تکانی طی کر  سریری

جولاندر جادور  کشتیو  جزیری

کشتیمان  چا  گیج  سر دادن   گیری

آ  سرمان  چی  سر  نیا  توفیری

 

سلطان مرمو :

چوگانو  طویلی

بگیره  ظادس  چوگانو  طویلی 

طویلمان  ذوالفقار   کی بر  و میلی

پاشیوه و چوگان بنمانش  ذیلی

او گیله  پنش  کشتیو کیلی

یارانی  بر کر چا گیجو  نیلی

پا کشتیو  آلی

برقو  چوگانت  پا کشتیو آلی

بنمانه  جلای  تیقو  زلالی

تا یاران  ایمان  باران  او حالی

دیده وشش دری  واکر چا قالی

بنیامی  باور  هم  پیور  مالی

چنی هزاره میره و باشیالی

ها صدری و انجیل  عونگو  چالی 

آ ششه  باور پا پشتو  پالی

تا شاد بوانی هم  وی جمالی

چه دلی حرام برشون حلالی

 

سلطان مرمو:

داود نیک بخت

نه کول کو دا جولان  در و جخت

نه بحر جیحون  سقام گیرو سخت

بنیامم  چا دام باوره و نخت

 

داود مرمو :

ویقینوه 

بیان بنیشان و یقینوه

و لالو شفا و  آ مینوه

و چوگان گوی  بنیامینوه

 

یار احمد مرمو :

و کوی ذاتوه

بیان بنیشان  وکوی ذاتوه

بنیامین  بیو  و نجاتوه

وو برگ  گلیم  شام  خلاتوه

 

پیر موسی مرمو:

و دردانوه

بیان بنیشان و دردانوه

بنیامین  بیو  چه کارخانوه

و رنگ رجده  غلامانوه

چنی  بارخانه  بیو  بنیامین 

رنگ  غلامان  زراو  زر  ستوین

انیر و انیر   مدران  دانه  ازل  چین

گلیمه واتش  ویش  و کمترین

رای  یاری حقن بنیامین  امین

 

پیر موسی مرمو:

کل اختیارن

بنیامین  وکیل  کل  اختیارن

سکه برزه  مل  و نامه یارن

غلامان بیان  و شادی و کامین

فر  وستن و نور  دانه  بنیامین

 

رمزبار مرمو:

جم کثیره

پادشام موجود  جم کثیره

شکار وایر و  وایر ویره

بنیام و یاران چه نیلدا گیره

 

مصطفا مرمو:

نگین لتوه

پادشام موجود نگین لتوه

بنیامم بیو  چه توی شطه وه

پا برگ  گلیم دام جنته وه

 

سلطان مرمو :

داود  کلیم 

پا  بنیر او  زر  سوار  بر و سیم

پی جور  برچنی  جرخه  بنیامیم

 

سید محمد مرمو  :

بنیامت بینان

نه گردین طرحی بنیامت بینان

پی بنیام  نیات  بنیای  جهان

هم دسه ورن  هم رهبران

هوی  نه هوی 

بنیامین  کیشان  هوی نه هوی

کفتن نه میدان  چوگانو  گوی

بروش نه سر میل چه دس عدوی

پی گوه زانو 

غلام کسی ون پی گوه  زانو

نوا نادانی  چوگانی شانو

گوش  به گلیو  خجل بمانو

خجل و گوی

پیرالیت کردن  خجل و گوی

سازانت بشر گردنش روی

زمی  و  سما  چه  جمال  یار مگیران  خوی

 

سید ابولوفا مرمو:

بنیامت کردن 

نگردی طرحی بنیامت کردن

پادشام  و اخلاص بنیام زمافتن

هم بنیام زهر نوش  هم بنیام  شرطن

ای  زهر نوشی  وه

بنیامین  نوشا ای زهر نوشی وه

و مایه سلطان  یاری جوشی وه

هم سرش  زانا هم  سر  پوشی وه

ای پوشا سره

بنیامین  پوشان  ای  پوشای  سره

آوردن  یاری  نمای کی بره

نه شرط  کی بر  بچٌر  بچٌره

 

سید احمدالمیر مرمو :

بنیامت  دانه

نه گردی طرح بنیامت دانه

هم بنیام آورد یاری نیشانه

هم بنیام آورد یاری  نیشانه

هم بنیام آورد یاری  نیشانه

هم بنیام زانا  سٌر یک دانه

 

سلطان مرمو:

میر بلا دس 

از چنی تومن  میر بلا دس

سٌر چلانم  بنیامم  قفس

هفتم  هانه  غیب هفتم  هانه دس

میر مرمو :

میر آسانه 

میرنانی  میر  میر آسانه

التجام  ایدن  پادشای چلانه

بنیام باوری  او بی بهانه   

میر مل زنی

میرنانی  میر میر مل زنی

کاوم  سلطانا حسینم  چنی 

بنیاما حسین  چه گردی  بنی

 

سلطان مرمو:  

میر سویر   پیش

از  چنی تومن  میر سویر پیش

برٌای  دو دمم آوردن  و کیش

داود حوالن  باوروش  و نیش

 

میر مرمو :

بنیامت واتن

نه گردی  طرحی  بنیامت واتن

هم دسه ورن هم آ نجاتن

هم آی  سٌر پوشن هم گوای  ذاتن

داود یاور

آمان  آمانن  داود یاور

نه گوای طوبا نجاخت او سر

نه دلیای نیلدا  بنیامین  باور

 

داود مرمو:

لوای او شمار 

نه حضور شام  لوای او شمار

اذن  سلطان بو  حواله او کار

 

میر مرمو :

یا شای  بحر  بیم 

خواجای هزاره  بینای  بحر  بیم

بنیام  ذلیلن نه بحر هیجوم

التجام  ایدن باوریش  وی  دیم

 

سید مصطفا مرمو:

بنیامت ذاتن

نه گردی طرحی بنیامت ذاتن

ذاتش گلیما  خواجا  خلاتن

خلاتش آورد

بنیامین  نه بحر  خلاتش آورد

هم بنیام زانا  هم  بنیامین کرد

سلطان نمانا  نه گردی رای شرط

شرطش نمانا

بنیام  چه ازل شرطش نمانا

داود رهبر  و موسی  موانا

وقلم  حق سلطان نمانا 

نمانایی حق

بنیام  نمانا  نمانایی حق

داود پیش  زانا نیشانه مطلق

مولا کیاستش  پری هفت  طبق

 

سلطان مرمو :

مصطفا هفته

هفت طبق  هفت تن  مصطفا هفته

 نه بحر قلزم  بنیامم زفته

داود  رهنما  بنمانوش  رفته

 

سید مصطفا مرمو :

یا شای  سٌر  سه 

پنام  آوردن  یا شای  سٌر  سه

سلطان  هیجده هزار  عالم  و  امی

بنیام باور  بنمانو  رامی

نجاتش بدر ساریش  نو زامی

 

سید شابدین مرمو:

بنیامت و دس 

نه گردی طرحی بنیامت و دس

یا شاه بنمانه  داود  هانا رس

سجود  باوریم  وی  جم پیوس

 

سلطان مرمو :

شیخه  نمانا

شابدین بنیام مزش  نمانا

داودم  پری هاناش  کیانا

یارانم سجود  ونش بوانا

 

سید شابدین مرمو:

بنیامم  گیرن

بنیامم  جه دس نادانان  گیرن

داود رهبرن  موسی  وزیرن

سٌرش  سلطانا  بنیام  امیرن

امیریش کردن

بنیام امیرا امیریش کردن

 کی بٌرش مطلق سلطانش  شرطن

داود رهنما پریمان فردن

سلطان عالم

التجام ایدن سلطان عالم

داود بکیانی  وآه  نالم

بنیام  باورو  نه گیج  ستم

نه عرض یاران

یا شاه آگاهی  نه عرض یاران

بنیام  ذلیلن  ذلیل   زاران

التجام ایدن باوریش وی کان

 

سلطان مرمو :

حرف تو و جان

نه جم یاران حرف تو و جان

پی  هانای  بنیام  داودا  عیان

نه گیج کونین  باوروش و کان

شابدین اقرار

چه راگه بنیام  بگیره اقرار

مکیانو  نی دم داود و هاوار

بنیام باورو چنی باش تجار

 

سید شابدین مرمو :

یا شای  پر امی

آمانن  آمان  یا شای پر امی

تختت  گردن جا نکوی شنروی

بنیام باوره  نه گیج  و کوی

 

سید حبیب  شاه مرمو:

کاوه دو هفته

سلطان کونین  کاوه  دو هفته

نه گیج  ظالم  بنیامم  زفته

آمانن  آمان  بگیرش  دسته

 

سلطان مرمو :

قطار ششه

سید حبیب شام قطار ششه

تو رجا  وانای  رجا  پیم وشه

بنیام باورمی  پی یاران  بشه

 

پیر محمد بارگه چی مرمو :

آمانن  آمان  خواجای غلامان

بارگام آوردن  نه کوی  بی سامان

پیر رستم سو  سراو پیران

چنی میکائیل  میرد  وزیران

 

پیر میکائیل مرمو:

پیر محمد وانای

نه حضور شاه  عرض ویت وانای

جلوه پیریشان  پیران  کیانای

نه حضور جم  دانایی  وانای

 

پیر رستم مرمو :

پیر رستم سو

پیر رستمنان  پیرستم سو

یا شاه  آگاهی  کردیم  جستجو

بنیامم نین نه جم  ایو 

 

سلطان مرمو :

سر  پیرانه

پیررستم  سو   سر پیرانه

هفتادو  دو پیر  وتوش  نیانه

بنیام ماوریم چنی چلانه

 

 

پیررستم  مرمو:

سلطان یاری 

آمانن آمان  سلطان یاری

یری تن  چه سٌر  چل  تن  نگاری

هفتنه  نه غیب  سراو  هزاری 

مین  مینتان  چه  گره  ناری

نه گیج بحری بنیامین باری

 

سلطان مرمو :

پیر رستم مس

سر حلقه پیران هفتاو دو کس

وردنی باده چه مایه  الس

رنج غلامان نملو  عبس

 

پیر رستم مرمو :

یا شاه مرنو

سٌر  یری تن  بینای مرنو

ویت چنی داود نکری  عدو

وینه  ابراهیم  یک دس  تپه سو

سلطان  میل  ویت چنی  عالم گشت

داود  کیانای  و ضرب  برشت

پا نیا  تپه سو کنیاشان  انگشت

 

سلطان مرمو :

پیر رستم  سو

چه راه نگیلی  نکری   عد و

آوت  نه سراو  موزان  چه  جو

 

پیر مکائیل مرمو:

میر میرانه 

سر حلقه یاران میر میرانه

پنام آوردن  یا شای  چلانه

پی هنای   بنیام داود بکیانه

 

سلطان مرمو :

دودانی یانه  پیره مکائیل  دودانی یانه 

التجا کردی  نه رای  یکدانه 

پی  هانای  بنیام  داودم  کیانه

نه رای  دوشاهی  مایه  خزانه

خلاتش  موو  میر میرانه 

شرط بنیامم  قدرت  نیشانه

 

سلطان مرمو:

داود نازار 

کیشای  چوار قرنه  داود  نازار

گردای  هزاره یورت  بی شمار

  پیشرو  یاران سر گرد و چوار

پا بنیر او پیش نه رای  قوای  مار

بنیام چنی دام باور  او قطار

مین مین نه کشتی چنی باش  تجار

پا گلیمه کول چنی  تور  تار

پی  دام سر کش چنی بی شمار

باوری  او جم یاران نی هوار

 

داود  مرمو :

سلطان  عظیم 

تو کاوه معراج  از  موسی  کلیم

تو مرتضی دین  از  قنبر  پیشین

تو خوشین نهصد  از  چلوی زین

تو خدای بٌره  از  نسیم  دین

تو تاج  سلیمان ازنان  نگین

تالتجام ایدن  کاوه  هفت  اقلیم

نجاتم  بدر  پی بنیام  ملیم

 

یار آحمد مرمو:

یا شای بی کینه

خواجای غلامان  یا شای  بی کینه

التجام  ایدن  کاوه  مدینه

بنیام  باوره  پی عاو  دینه

 

سلطان مرمو:

ناز روای   یاران

حسین شهید ناز روای یاران 

تحفه عجو رنگ  توریز  شاران

قرینت نین  هوار  هواران

داود سر قطار  چلتن  چلانه

شفق کیش صبح کبود نیشانه 

صبحو رومامور  جویای  دیوانه

حوالن بارو پیر وی مکانه

 

رمز بار مرمو :

گردبی و گرداو

داود  گرده  لویل   گرد بی  و گرداو

نیشت نه قله عرش چوین باد نه  روی  آو

باورو  بنیام  یاری  و جوآو

نیشت او باد  بین

داود  وینه  باد نیشت  او باد بین

او لطف سلطان مرکو حاضر  زین

نی راگه  بنیام  باوران  یقین

 

پیر موسی مرمو :

نه راگه طوس

کیشای رای طوین  نه راگه طوس

داود حاضرن  پی بی کسان کس 

حاضر مرکون  پیشش هانا رس

ها  نجات پیر بادش  نه قفس

 

پیر موسی مرمو :

داود حواله

واذن  سلطان  داود حواله  

نه زیر  ساج نار  داود  بی  طاله

نه  رای  دریای  نیل  بارو  قواله

نیش او هوایی

مرکو حاضر  زین نیشت او  هوایی

پی هانای پیر نه گیج  تایی

نرای گلیم کول بارو  دوشاهی

 

پیر موسی مرمو :

داود او هاوار

داود  حوالن بلو  او هاوار

راگه  دریای  نیل  میره باش تجار 

نه رای گلیم کول  بارو  او قطار

 

مصطفا مرمو :

نرای دوریشم

افلاطون  حکیم  نرای  دوریشم

طبل  باش  طبلان  عالم او پیشم

داود کو  سوار دریان او نیشم

او پیش  یاران

داود  پیشوا او پیش یاران

حاضر مرکون نه  کول  کوان

نرای گلیم کول  حوالن  بلان

 

سلطان مرمو:

نه ای نا  نی  دم

داود حاضر به نه ای نا نی دم

و کول کودا   او نجات جم

بله  باوره  بنیام  نه ای  خم

داود گیژ آور

نه گیژ کیوان  گردون گیژ آور

چنی  باد گردان  بنیام  پیش آور

باوره و جم میره و میر صفدر

داود او مولق

پری دریای نیل  بنیش او  مولق

نه کول  کودا  نرای  هفت طوق

مین مین نه کشتی بکران صدق

داود دلیل

از چنی تومن  داود دلیل

مصطفا نه کیش  ناز  روای  قندیل

هر کس  نرای  ویش نکری  ذلیل

جسنات کشتی  توشانی  کفیل 

داود رهبر

و عشق بنیام پیشوای  عره نر

هر کس نه رای  ویش  نجاتش بیر

جسنات  کشتی  باورا  چه  بر

 

سلطان مرمو :

داود رجو

از  چنی تومن داود رجو

برس و فریاد  گلیم کول  و  دو

جسنات کشتی  توشانی سوو

از  چنی تومن  داود  نسیو

چنی خزانه  بار بکران  زیو

نرای  گلیم کول  بوخشان  ایو

نه قطار میره دوشاهی بجو

داود  دوشاهیت صد هزار  مزیو 

قطار میره  چنی  گلیم کول

دوشاهی  اوان  و زیور  زنگول

هر کس  نرای  ویش  نوانیش  و چول

 

داود مرمو :

آگاه و بینا

آمنا و صدق  آگاه و بینا

نجاتم  بدی  نه کول کونا

یاران و کشتی  باوران  او جا

نه قطار یار  نوانیم  پسا

 

یار آحمد مرمو :

نیشت او رود  نیل

داود نه  دریا  نیشت او رود نیل

وات  و زور  جم  و ناز  قندیل

نیش او روی دریا 

داود گرده  لویل  نیشت اوروی  دریا

وات  و زورجم  و  ناز نوا

نما  و کشتی جمناش  نه جا

 

رمز بار مرمو :

گیژیا  او هم 

نه کول  کودا  او  نجات جم

کشتی  برآورد  نه گیژ ستم

میره باش تجار داود  دی  و چم

جسنات کشتی خیزیان  او هم

 

میره باش تجار مرمو :

هژار فقیر 

ای گلیم و کول  هژار  فقیر

ای سوار  کیانی  برز  قندیل

نی روی  طوفانی پیمان  بی  کفیل

 

گلیمه کول مرمو:

میره  صایو  گنج 

پادشای  خانان  میره  صایو  گنج

اینه  داودن  نوی  ابله رنج

یاوا  و نالم  نرای دو و پنج

 

میره مرمو :

ضامن  بی کس

 آمانن آمان  ضامن  بی کس

کیشای  راگه  تون فریای  رای  طوس

کورم ذلیلم بریانم  نفس

 

میره مرمو:

به  جمان  نه جا 

مین مین نه کشتی  بجمان نه جا

بکفان او شون داود دانا

بلمی  او  حضور  سلطان  آگاه

بجمان نه جم

مین مین نه کشتی  بجمان  نه جم

بکفان او شون داود خادم

بلمی  او حضور سلطان عالم

بیان و دوان

جسنات کشتی  بیان و دوان

بکران پا بوس  ضامن  بران

داود  کوسوار  کران  زر افشان

 

گلیمه کول مرمو :

به جمان  و جخت

مین مین نه کشتی  به جمان  و جخت

او شون  داود بکران حجت

بلمی او حضور سلطان نیکبخت

 

میره مرمو :بیان او  حوال

جسنات کشتی  بیان او حوا ل

داش نجاتمان  داود شمال

سرو مالو  گیان  پری  استقبال

 

داود مرمو : پیر دام وکول

خلات گلیم  پیر دام و کول

میره  لاونای  نه گیجاو  چول

بجم  نجای ویت  بلمی او  منگول

 

گلیمه کول مرمو:

داود برا

و ارمای شام آمانی وی جا

فتح ویت کردن  و ناز  نوا

کشتیت  بر آورد  وینه  ناخدا

 

داود مرمو :

پیر  پیرانی

پری گرد  غلام پیر  پیرانی

شرطت هن روا  پیر سلطانی

بردی او قطار  میر  ملتانی

 

میره مرمو  : سر او  پاینداز

مال و تصدق سر او  پاینداز

التجام  ایدن  داود  داو  خواز

شرطمان پری تو  کردی  سر افراز

 

 

 

 

 

 

 

 

 

 

 

 

 

دوره بياوبس ساجناري

ناوس مرمو:

ياران چه ناوس

پا وقت از  لوام خيو بيم  چه ناوس

چه سر كت ملوم  پي ملك  شاروس

چه دون ناوسا  خالي موم  چه پوس

هر كس ميلشا  چنيم  بودي دوس

پاديدار  از  ژنو  بو  انوس

مبو  بلو پي  خاك  مورزدينا  بسوس

و پيرالي چمدارا  مبو  بو  پابوس

چا پرديورا آي  پريمن  دوس

لاوه ازه نا  سيد محمد جلوس

بلاردي  چه ليش نوياني مايوس

آنه  مزانو  ها ماوام  چه كوس

ياران  مودي تفر تيونا و طوس

آوقت دنگ يار  برز  بو چوين  ناقوس

بيان بنيشان  خالصو  خلوص

هر كس بواندي راي يار چون خروس

 

قاضي مرمو :

شاه چي و سّرا

ياران  چه ناكام شاه چي و سّرا

ويش پنهان كرد چوين دلي درّا

غلامان كردشان و چراي چرا

نه شون خواجام  درونشان  گرا

ديشان  بيسودن  اي قالو  قرّا

ساكت بين  چه بانگ  سان  سرد  سّرا

ياران  و  ويرم

واده  شاه ني دم  آمان و ويرم

پي ديدار شاه زارو زويرم

واده شاه  يانه پيرالي ديرم

تا و دس يار بكو دسگيرم

بلمي  پي موردين  پا  يانه  ميرم

پيرالي  پيا  كرمي  هر كو  بو گيرم

پي ديدار دوس  بريندار  تيرم

شاهم صيادا  من چوين  نخجيرم

 

حمزه مرمو :

پي ملك موردين 

وريزان بلمي پي ملك موردين

شاه واده شان  دا  چه آ سرزمين

يانه  پيرالي  رژياون   يقين

مو هر پيرالي  پير روشن بين

بزانو  كون ماواي شاه دين

 

صالح مرمو:

يانه پيرالي

هن چه موردينا نوه  باوالي

شاه وادش دادن  او  يانو مالي

گشت بيان  بليم  هر يك چني  هم

بلمي  پي يانه  پيرالي  در دم

آما  و يادم قول  شاي  سر جم

ها پيرالي نان  ناز  رواي  كاوم

بليم  وپا بوس  پير  صايو  چم

شايد  بلاليم  چه ليش  و قسم

تا پيدا كرو  شون  شاه  نه جم

پيداش مكرو و شادي و خرّم

 

قمري مرمو:

پري شاره زوير

بيدي تا بلمي  پري شاره زوير

بلمي پي ماواي  موردين  و ضرور

يانه پيرالي  رژياون چه نور

بلمي و پا بوس  صايو ذاتو  زور

پا لالو  تكا بلمي و حضور

تا شون  خواجا  بودي و پي جور

بگيلو  زمي  تا  و سماي  نور

 

بنيامين مرمو :

پيرالي واده

پادشاه و تومان دادنش واده

وادش  او يانه  تومان  پي داده

فرماون  مر تو  بزاني قاده

فرماش  پيرالي  و از  اولاده

ايميش آمايمي  و اي  درگاده

بلو  پي جوياي  شون شاه زاده

حكم و توشان  شاه ويش  نهاده

غلامان  رجاشان  پي راي مراده

ديده  شان  و روي  خواجاشان  شاده

 

پيرالي مرمو:

ياران و يانه

فري وش آماين و جاگو يانه

هر امريتان  هن او ديده و گيانه

پا روي  ديده و  دل  مكوم  اجرانه

ازيش كمترين  جه غلامانه

تمناي  ديدار سلطان نانه

چاگاه كه  امرش و من  فرمانه 

مگيلوم  پريش  ارضو  سمانه

اگر ميلش بو  ويش  كو  عيانه

مژده ماوروم  پي تان  و يانه

ار من  پيدام كرد  شاه  چه سّر خانه

 

بنيامين مرمو :

وريز  پي هر كو  ملي  سا بلو

وشون خواجام بكر جستجو

 

پيرالي مرمو  :

ياران انتظار

ياران  به نيشدي ني دم  انتظار

چه موردينا هر  پا  اي   اقرار

تا كه  بگليوم  ديار  و ريار

بزانوم  چه كون  شون  خاوندكار

 

بنيامين مرمو :

پيرالي  چمدار

نو دمدا  لوا  پيرالي چمدار

بالدا و  همدا  چوين  طير  طيار 

هفت طوق  زمي  و سّر  چي  و  وار

ديش  كه نيشته  نش  شاه نه  ساج نار

نه ذوق شادي نگردش قرار

تن پكاوه  برق گرد ساج نار

وتاو پرشنگ  كوره آتش بار

هور گيلا  و پس  پيرالي چمدار

مزگانش آورد  پي ميردان  يار

ميردان نو دمدا  كل  بين  هوشيار

 

پيرالي  مرمو:

ياران مزگاني 

ياران پريتان مدوم مزگاني

چوار قرنه  جهان  ها از گيلاني

 چه برّا  لوام  تا و  بحراني 

هفت طوق جه سّر  چيم او  درياني

ديم كه شاه  نيشتن چني  ياراني 

نيشتن  ندلي   ساج  گراّني

ويم  دانه  آ  گر   شوله  ناراني

نتوانام  بلوم  و خدمت   شاني

ايستا  پنه تان  مدوم مزگاني 

مر بنيامين  پير شرط  ناني

بلو و خدمت  شاي  دو جهاني

 

غلامان مرمو :

پيره رنج برده 

بنيام توني پيره رنج برده

قسم تو  وناز  آ  قول و  شرطه

پري آ اقرار  ناووست  كرده

وشون  پيراليا  هرده و هرده 

بلو  پي  جوياي  نزاد  نمرده

تا كه بويني  جه قلو  نرده

شام و ساج نار تشريفش برده

 

بنيامين مرمو :

ياران اقراري

مكي  پري تان  شرطو اقراري

از  و شونه پاي   پير  چمداري

ملوم  پي جوياي  شاي  خاوندكار

گيليام چه  زمي گو شو  كناري

هفت طوق جه سّر  لوام  او واري

شون شام بردن  او دريا  باري

ديم  كه شاه  نيشتن ندلي  ناري

وينه  پروانه  جويا  پي ياري

سرمست بيم  و شوق  آ شهسواري

ويم فرّ دا  چه توي  آ  ساجناري

و  امر مولام  شاي  صاحب كاري

آير  پري من  بي  و  گلزاري

داخل بيم  چني  ميردان ياري

نه گره  گرمشت  آيرو  ناري

هر چا  پيشانيم  آو  مويا  جاري

واتم  از  و فدات  شاي  خاوندكاري

روشن كر پي يار  شرطو  اقراري 

تا ميردان  بزانان  راگه  دينداري

 

سلطان مرمو:

بنيامين اقرار

ايستا  وادمن  پي شرطو  اقرار

مبو  آ ياران  چه  ازل  طيار

كل جم  بيوسان  نه ساي ساج نار

بيان بنيشان و گردن لار

تا كه بوانمي  راي  شرطو  اقرار

 

بنيامين مرمو :

غلامان  درگاه 

كل حاضر  بودي  چي  بره و  درگاه

چني بنيامين  ويم اقرا  نياه

دس اقرارم  و پير شرط  داه

ايستا  وا ده شن   باورمي و جاه

راي  دين  ياري  بكروم  احيا

 

غلامان مرمو  :

آقاي غلامان

سلطان كونين  آقاي غلامان

اگاي  هر دو سر رهنماي  راهان 

اميدن  بوخشي  بار  گناهان 

جمله جه درگات   ايدن رجامان

قويل بكري  عرضو  ثنامان 

دين يار اظهاربدري  سامان

تا  پوخته كريم  كردار خامان 

بگيرمي او دس دليلي دامان 

ايدن رجامان امان صد امان

 

سلطان مرمو :

ياران  قويلا

رجاتان  چني بنيام  قويلا

واده  آ  اقرار  كوي  سر انديلا

اقرارم  چني پيرو دليلا

هر چي بواچين  پنم  اصويلا

راي ياري پريتان  سمو قنديلا

كل بلدي و دشت  و گشتو  گيلا

هركس  قرواني  هر چيش  وصيلا

باورو  و جم  و لالو  نزويلا

تا كه پيرالي و از وكيلا

دواشان  درو  هاويش  ماسويلا

ياران كل  بودي  دسو  دخيلا

 

غلامان مرمو:

نيه نمان  قدرت

يا شاه  نه حضور نينمان قدرت

هر چيت  فرماوي  شاي  صايو حكمت

نه فرمان تو نوياني قفلت

ايستا ني  پاي  ساجو  حرارت

قدرتمان  نين بكريم  خلقت

اميدواريم  ويت ويك اشارت

هرچي  رضاتن  و ميلو رغبت

باوري  و وجود  چا توي كارخانت 

تا ياران  بوينان  سكو نيشانت

 

سلطان مرمو :

غلامان نگاه 

منواردي پيتان  مكري نگاه

هر چي بوازمي  و اذن  ويماه

چه كان سّر دا مكروم پياه

هر كس وريا ون مشناسو كالا

ارماي ويمن  هر چي مبو  باه

چا بنيامينا  جوز  مبو  ايجاه

داود حوالش  كله  زرده  يا

پير موسي  قوچي مو و كرده  ياه

ها توشتيري  هن پري مصطفا ه

رمزبار گردش  باردي  و درگاه 

كردار  ابراهيم  و خروس  بيا

انارميش  پري  يادگار  قرار داه

تمام باوردي  به نيردي  وي  جاه

 تا چني همدا  بدروش  دعاه

 

بنيامين مرمو:

وهفت  سردار

چاگاه فرماوا  و هفت سر دار

ايويش هر كامي كرداري  بارا

عابدين كل بز  آورد  نه  شارا

پير رستم  خربزش جه بوسان  بارا

نريمان بادم  باره  چا  دارا

اسكندر  نواتش پيش  مدارا

موسي سياوه  بلو چا سر تشارا

آما  ساواوه  باردي  ديارا

دس كره  چاتوي آو  و جو  يارا

مايش  جه اصلن نمو خراوا

 

بنيامين مرمو :

وهفتوانه 

چاگاه  فرماوا  و هفتوانه

بلدي  باوردي  هر يك قروانه

به  نيردي  و جم  پري  نيشانه

تا دعا بيرمي چني آ قروانانه

سيد محمد گندم  آورد  چه يانه

سيد ابوالوفا نخون  نيشانه

باويسي ذرت  چا آ  همانه

مير  نوقل  باردي  چا  خرمانانه

برنجيش كردار پي  مصطفا نه

سيد شابدين نيسكش  دريانه

سيد حبيب  شاه  چه آ  ماشانه

كردشان  و قاويت آ  هفت  دانانه

گوش كران چه جام آ چل  تنانه

آ چل تنانه  هر چل  يكانه

چا  گاه  چه  كرم شلطان  فرمانه 

كي  برّي  چه خيو  آماو  ميانه

ناوش ذوالفقار  چه آ دونانه

برّيشاني  سر  آ  قروانانه

ذوا لفقار  چه نش   دو ذات  مهمانه

موسي  شياوه  و  كاك  مصطفا نه

مامورن  پري  قوضه  روحانه

آ  تيقش  چه ذات  خواجاي  سلطانه

پي قهرو  غضو  ها و  دستانه

چا  گاه  حاضر بي آ قروانانه

سلطان  فرماوش  پيرالي  گيانه

بدر دعاي  تيغ چه  از صلانه

پيرالي نو دم دعا  تيغ وانا

موسي سياوه سرشان   برّانا

بدروش  و گر  آ ساج  گرّا نه

تا  پوخته  بودي  آ آي  كردارانه

خواجا و كرم  گردين   حيوانه

آ  جانورا ن  چني  مورو  مارانه

كل بوان  حاضر چه اي  مكانه

بششان  گره كا نا  نانويچو نانه

بي بش  مكردي  پيشان  درآ نه

سلطان مرمو:

بنيام  باوره 

پري هرياري يك  بش  باوره

پوختش بكرو چا  گرّه  خوره

آ نختينه شان  تمام بش  كره

بلو  پيرالي  دعاشان  دره

هيچ كس چي جمه بي بش مكره

تا كه كردارت  چا پرديوره

موسي بنويسش چه آ دفتره

 آ حوين  دارانه  كه برّياشان  سره

يوي چه  ليشان  حرامه  جيا شان كره

باچه و ياران  چه ليش نوره

آنه يش  پري  واردن  خارو   خطره

نيشانه  پري  يوي  حرامتره

روخله شانه  زاله و   زا ورّه

طال و  گني  شان چني  نيرينه  نرّه

آ  حرامانه   برشنان  چا  دشتو  دره

تا بعد از  دعاي  بوران  هر چا  حاضره

پي گاومي حرام آ  مغز  سره

هر پا خاميه  چا  كله  درش  باوره

بدروش  و رستم   بوروش  و دره

چا توي  چالي  دفنش  بكره 

تا  وروي  حساو   چه آ محشره

كردار  كردش هاو  نظره

اجرش  موينو آ  مغز سره

 

بنيامين مرمو :

يا شاه  صلاتن

اختيار دارني  هر چي صلاتن

ازم كمينه  و خاك  پاتن

راضي  به  رضات  هر چي  رضاتن

پا طوره فرمان  و ازي  داتن

تمامي  و ميل لبيكم واتن

ايساته  واده  جمو  دعاتن 

قروانان  حاضر  چه آ درگا تن

اذنم  گركاه  ار بو صلاتن

ياران  جم كري  هر چه نه لاتن

بيان  بنيشان  ني جمو  راتن 

سلطان مرمو:

بنيامين و جم 

باچه و ياران  بيان  به نيشان و جم

عابدين  فرّاشا  داودا  خادم

پيرالي  بچردي  حاضر  نه ور چم 

چني توو به نيشدي  آي  ندلي  جم

پي دواي  آ كردارانه  بودي و سر جم

پير موسي  حاضر  كرا  دستش و قلم

بنويسو  اي  كردارانه  و بي كسرو كم

هر هفت خليفه خلاصه محرم

چه لاي  يك  بودي حلقه كن محكم

آ  گوشتو  سقانه  جيا كن و هم

بپيچان  ناچه  هم چني  نويچم 

و سنگ و ميزان  بي زياد و كم

هر كس حاضرن چه دلي جم

يكي يك بشي  بيران  چه دم

بسانان آ بشه  گردنشان  بو  خم

 

بنيامين مرمو :

ياران او اقرار

بيان بنيشان ياران او اقرار

امر خواجاما  بوان گردن لار 

دو كنه  زانو  بگيردي  قرار

هم سر هم كمر  بوسان  و زار

چه ذيل  بنالان  چه پروردگار

عابدين  فرّاشا  دودا خذمتكار

ازيش هم چني   پيرالي چم دار

نه سر جم نيشو  ازيش  چه  لا وار

تا  كه بوانو دواي  اي كردار

هر هفت خليفه  خلاصه طيار

 قسمت بكران   كل و يك مقدار

 

داود مرمو:

جم رسيه صلا ه

يا شاه  </